بيوم من الايام بشهر 5 السنة الفاتت، جننا دانبني بيتنا الجديد، جنت اروح حتى اصبغ هناك، يومي جان هيج:

اكعد بـ6 الصبح، اشتغل على اليوتيوب للساعة بـ4 العصر، بعدين اروح للبيت واشتغل هناك اضل للـ11 بالليل
ارجع انام، وينعاد نفس الروتين لحد نهاية شهر 8

طول هالشهرين او تلاثة، تصير الساعة بـ9 بالليل وجنت اخذ راحة واتمشى بالمنطقة الجديدة، اروح همين للمحل اشتريلي حلويات ومن هالسوالف (: 

جانت ببالي فكرة بالمحل، انو انا داشتري واحسب الف حساب للي اشتريه وكون ما يتجاوز اللالف والالفين واكو اشخاص يدخلون ما يفكرون بالحساب اصلا! 


والثانية هي لمن اطلع من هذا المحل، "شلون اطلع من وضعي هذا الي انا كارهة؟ شلون احصل فلوس هواي!؟" 

لأن جنت اعاني، واعاني هواي.. مو بس افكر بنفسي، لا!

فكرة ان اهلي يردون اشياء وانه كرجال عمري 20 سنة ما اكدر اكوللهم: "صار! العصر يمكم." جانت دائما على بالي وتضوجني.

خلي نرجع بالزمن اكثر، لـ2020، لأول مرة اعرف بيها شغفي بالحياة للفترة الحالية، وهي انو اصير رائد اعمال عراقي عظيم واعيش نفسي واهلي الحياة المثالية! 

وبديت اجرب هواي اشياء، دروب شيبنك، فتحت بيج بالانستكرام ابيع بيه اكسوارات، ردت اصير مسوق، مبرمج، مصمم، مسوق بالعمولة، برو حتى ردت اصير مطور العاب 🥲

حرفيا ما خليت شي ما جربته! والشي المشترك بينهن كلهن، هو ان يومين واعوفهن (لأن شغفي مو بيهن) وما فادوني ما شفت بيهن نجاح، يمكن لو التزمت بيهن جان شفت نجاح، اي، بس جنت غافل عن بزنس ثاني عظيم! اعظم من كل هذن مجتمعات! 

نتقدم بالزمن اكثر، لحد 2023، شهر 3، قبل 13 شهر من هسه، عرفت هذا البزنس، التزمت بيه (لأن كلش احبه! وانت همين..) ولهالسبب ضليت اشتغل كلش هواي، والحلو، انو هذا البزنس ما يحتاج تدفع عليه بفلوسك، يحتاج تدفع عليه بوقتك.

هذا البزنس جنت اشتغل عليه ساعة ونص الى ساعتين باليوم

وهذا الي طلعته:

2024/2/18 مليونين و342 الف دينار عارقي
2024/2/20 785 الف دينار عراقي
2024/2/29 مليون و702 الف دينار عراقي

اقل من شهر انا طلعت 4 ملايين و829 الف دينار! بحياتي كله ما طلعت هيج رقم!
برو حتى من جنت استلم الفلوس ماجنت اعرف احسبهن لأن ما متعود على هيج مبالغ 🥲
اقوى مبلغ محصلة هو 25 الف بيبيتي تنطينياهن كلما تستلم راتب 😂

"برو 5 ملايين بأسبوعين اوكي صحيح انت اشتغلت بس ساعتين باليوم، بس اخذت منك سنة وشهر شني تجذب علي؟"

السبب ان اخذت مني سنة هو ان جنت اتعلم عن البزنس! 
كل يوم من 6-8 ساعات لأن هذا الشي جديد بالوطن العربي وخاصة بالعراق، اخذت ساعات من يومي.

الي جنت اسويه حرفيا محد مسويه بالعراق والوطن العربي بكبره،
ما جان اكو احد يعلمني عليه اضطريت اتعلم كلشي وحدي،
اخذ مني وقت وجهد كلش جبير لهالسبب كتلك جنت اشتغل على اليوتيوب من 6 الصبح لل4،
لأن جنت اتعلم من الصفر! ساعات الشغل الاساسية لو تحسبها تطلع اقل من ساعتين باليوم بس.

لو جنت اعرف هذا الشخص الثقة الي مسوي نفس الي سويته بحيث اكدر اتعلم منه واختصر الوقت واوصل للمرحلة الي اكدر اشتري بيها اي شي لأختي الزغيرة وماخليها تتحسر على شي جا حرفيا اخذت هاي الـ25 مال بيبي وماشتريت ملابس وماطلعت لمطاعم ولا لكوفيات وي جماعتي بس حتى اجمع وانطيه حتى يعلمني.. بس ما جان اكو!

لهالسبب قررت اصير انا هذا الشخص، واعلمك كلشي! حتى تكدر تعيّش اهلك الحياة الي يستاهلونها.

اذا انت عبرت عمر الـ17 سنة، اهلك صارو مسؤوليتك انت، مو اخوك، ولا ابوك، ولا عمك، ولا الدولة، مسؤوليتك انت! انت لازم توفرلهم هاي الحياة الكريمة مو غيرك.

بدال ما تسلك الطريق الصعب الي سلكته انه، وتتعلم اكثر من 8 ساعات باليوم، راح اسهل الك هذا الطريق، اخليك تمشي وراي وتحقق اضعاف اضعاف الي حققته انه، بنصف المدة.